eWhale Myanmar သည် ပြည်ထောင်စု မြန်မာနိုင်ငံတော် အစိုးရ၏ နိုင်ငံတကာ အသိအမှတ်ပြု ယူနီကုဒ် မြန်မာစာ စံစနစ် ကို Support လုပ်ပါသည်။ ဤ Post သည် ပြည်သူလူထု တစ်ရပ်လုံး မိမိတို့ မိုဘိုင်းဖုန်းများအား ယူနီကုဒ် စနစ်သို့ ကူးပြောင်းနိုင်ရေး အတွက် နည်းပညာပိုင်း အရ အကူအညီပေးရန် ရည်ရွယ်ပါသည်။ 

လက်ရှိမှာတော့ Facebook တွင် Zawgyi နှင့် Unicode နှစ်မျိုးလုံးကို အမှန်ပြပါသည်။ သို့သော် Facebook Messenger နဲ့ Messenger တွင် နှစ်ဘက်လုံး Unicode သုံးမှသာ အဆင်ပြေမည် ဖြစ်ပါသည် ။ Phone Operator များအနေဖြင့် Unicode စံစနစ်ကို ကို October 1 ရက်နေ့မှစပြီး တရားဝင် အသုံးပြုတော့မည် ဖြစ်ပါသည်။

သင့် မိုဘိုင်းဖုန်းကို Unicode ပြောင်းသုံးခြင်းဖြင့် ရလာမည့် အကျိုးကျေးဇူးတွေကို ဆက်လက် လေ့လာကြရအောင်...

၁။ Google keyboard သုံးမည်ဆိုလျှင် အသံနဲ့ စာရိုက်နိုင်မည်။

၂။ Google Maps ကိုလည်း အဆင်ပြေပြေဖတ်နိုင်လာမည်။

၃။ မြန်မာနိုင်ငံသို့ ဝင်လာတဲ့ ဖုန်းတချို့မှာ ဇော်ဂျီ support ဖြစ်သော်လည်း တစ်ကမ္ဘာလုံးမှ ဖုန်းများအားလုံးသည် Unicode သုံးကြသဖြင့် ဆက်သွယ်ရေးတွင် ပိုလွယ်ကူစေမည်။

၄။ Facebook translate ဘာသာပြန်များ လုပ်သည့်အခါပိုမို မှန်ကန်လာမည်။

၅။ နောက်ပိုင်း YouTube တွင်လည်း ဘာသာပြန် စာတမ်းထိုး ရလာနိုင်မည်။

၆။ Google မှ website များကို မှန်မှန်ကန်ကန် ဘာသာပြန်နိုင်မည်။

၇။ Facebook မှကိုယ်ကြိုက်တဲ့ content တွေ ပိုပိုပြီး ပြသပေး နိုင်လာမည် ဖြစ်သည်။

ဆိုတော့ ယူနီကုဒ် စနစ် ဘယ်လိုပြောင်းမလဲ...

ယူနီကုဒ်စနစ် ပြောင်းလိုပါက ယူနီကုဒ် ဖောင့်နှင့် ကီးဘုတ် လိုအပ်ပါသည်။ 

ယူနီကုဒ်အတွက် အသုံးပြုနိုင်တဲ့ ကီးဘုတ်တွေကတော့  Gboard keyboard, ttkeyboard, Bagan Keyboard, Frozen Keyboard, MUA Keyboard စသည်တို့ကို Playstore မှ download နိုင်မည် ဖြစ်ပြီး Unicode ရေးနည်းကိုတော့ ဤလင့်ခ် https://bit.ly/2ZpvzpN  တွင် လေ့လာနိုင်ပါသည်။

Android Version မှာ ယူနီကုဒ် ဖောင့် ဘယ်လို ထည့်မလဲ။

ယူနီကုဒ် Font apk ကို playstore ကနေ Download ဆွဲနိုင်ပြီး အောက်ပါနည်းလမ်း တစ်ခုခုဖြင့် ထည့်သွင်း နိုင်ပါသည်။

၁. Setting>>Display>> မှတဆင့် “Default” ဖောင့်ကိုရွေးပါ။

၂. Theme Style ထဲတွင် Default Theme ကိုရွေးပါ။

၃. Language & Input မှတဆင့် English (US) မှ English (UK) သို့ ပြောင်းပါ။

၄. Setting>>Language & Input မှတဆင့် Unicode အမည်ရှိ Language ကို ရွေးချယ်ပါ။

၅. ဘာသာစကား ၂ မျိုး ရွေးချယ်နိုင်သည့် ဖုန်းများတွင် English ကို ပထမ၊ မြန်မာ (ယူနီကုဒ်)ကို ဒုတိယထား၍ အသုံးပြုနိုင်ပါသည်။

၆. iFont ကဲ့သို့သော ကိုယ့်စိတ်ကြိုက် ဖောင့်များထည်သွင်းအသုံးပြုနိုင်ပါသည်။

၇. ဇော်ဂျီဖောင့်တစ်မျိုးတည်းသာ ထည့်သွင်းထားသောဖုန်းများတွင် ယူနီကုဒ်ဖောင့်အား Root Access လုပ်ပြီး ထည့်သွင်းနိုင်ပါတယ်။

ios Version မှာ ယူနီကုဒ် ဖောင့် ဘယ်လို ထည့်မလဲ။

၁. တခြားသော Font Profile များမရှိပါကDefault သည် ယူနီကုဒ်ဖောင့်ဖြစ်သည်။ သို့ပါ၍ဖုန်းတွင်ဇော်ဂျီဖောင့်ထည့်သွင်းထားပါကဖယ်ရှားပစ်ရန်လိုအပ်သည်။

၂. Pyidaungsu, Myanmar 3 စတဲ့ Unicode Font Profile များအားရယူနိုင်ရန် App Store ကိုဝင်ရောက်ပြီးmyFont App ကို Download ဆွဲပါ။ သို့မဟုတ် ttKeyboardကို Download ဆွဲပြီး မြန်မာဖောင့်ကိုထည့်သွင်းပါ။

အကယ်၍ မိတ်ဆွေ ဖုန်းထဲမှ ဇော်ဂျီနှင့် ရေးသားထားသည့် သီချင်း၊ ဗီဒီယို၊ ဓာတ်ပုံ၊ ဖုန်းအဆက်အသွယ်စသည့် ဖိုင်များ ကို ခလုတ်တစ်ချက်နှိပ်ရုံဖြင့် ယူနီကုဒ်အဖြစ်သို့ ပြောင်းလဲ လိုပါက zFont App ကို Android version 4.2 နဲ့အထက်မှာ ထည့်သွင်းအသုံးပြုနိုင်မှာဖြစ်ပါသည်။

၂၀၁၂ ကတည်းက မြန်မာနိုင်ငံသည် တစ်ဆင့်ချင်း ပြောင်းလဲနေပါသည်။အကောင်းဘက်ကို ဦးတည်နေသည်ဟု ယုံကြည်ပါသည် ။ သို့သော် ကျွန်တော်တို့ တစ်ယောက်ချင်းစီက ကောင်းသောပြောင်းလဲခြင်း မလုပ်လျှင် ကျွနု်ပ်တို့ နိုင်ငံ တိုးတက်မှု နှောင့်နှေးနေပေမည် ။သို့ဖြစ်၍ မိတ်ဆွေ၏ အကူအညီလိုအပ်ပါသည်။ 

ပြောင်းလဲမှုနောက်ကို လိုက်ခဲ့ပါ။

မြန်မာနိုင်ငံ ပိုမိုကောင်းမွန်သော အနာဂတ်ဖြစ်လာဖို့ လိုလားသူတိုင်း ယခု post ကို credit မပေးဘဲ စိတ်ကြိုက် ကူးယူ နိုင်ပါသည်။"